Gazeta Si – Me 85 vota pro dhe 3 kundër, Endrit Shabani u votua në Kuvend si Avokat i Popullit me mbështetjen e shumicës socialiste.
I pranishëm vetëm për këtë votim ishte kryeministri Edi Rama, ndërsa menjëherë i gjithë grupi i PD braktisi sallën, duke bojkotuar procesin e votimit.
Pasi mbështeti më herët me firma 6 kandidatë, e më pas deklaroi tërheqjen nga nënshkrimet, Partia Demokratike kërkoi në seancë plenare që zgjedhja e Avokatit të Popullit të hiqej nga rendi i ditës, institucionit që prej mungesës së konsensusit politik drejtohet 3 vite përtej mandatit nga Erinda Ballanca.
Tre orët e debatit për Avokatin e Popullit, shkuan vetëm në një pikë: opozita akuzoi mazhorancën se ka bërë pazar me Endri Shabanin, njërin nga kandidatët që vetë mbështetën nga më shumë se gjysma e deputetëve të opozitës.
Madje opozita dha sinjalet e para se nëse mazhoranca e voton, Avokati i Popullit do të përfundojë në Kushtetuese.
Ndërkohë, kandidaturat e tjera, morën këto vota:
Tartar Bazaj / 1 pro/ 79 abstenim, 7 kundër
Aranita Brahaj, 4 pro. 76 abstenim, 7 kundër
Skënder Haluci / 1 pro/ 72 abnestim, 14 kundër
Adriana Kalaja/ 0 pro/ 69 kundër, 17 abnestim
Beism Ndregjoni/ 0 pro, 61 abstenim 25 kundër
Endri Shabani / 85 VOTA PRO, 0 abstenim, 3 kundër
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
