.png)
Nga Gazeta Si- Pajisjet mjekësore të domosdoshme mungojnë në qendrat shëndetësore në Shqipëri. Në këtë përfundim ka arritur Inspektoriati shtetëror shëndetësor në inspektimet e vitit 2024.
Gjatë këtij viti, trupat inspektuese kryen 3 003 inspektime dhe ri-inspektime dhe mangësitë specifike të konstatuara në subjektet e kujdesit shëndetësor parësor jo-publik (klinika/qendra/laboratorë mjekësorë) ishin mungesa e një ambienti të veçantë për marrjen e gjakut dhe mungesa e lejes së ushtrimit të profesionit.
Ndërkohë, subjektet e kujdesit shëndetësor parësor publik dhe jo-publik kanë mungesa edhe më të mëdha, ku janë konstatuar mungesa të pajisjeve mjekësore që janë të domosdoshme.
Gjithashtu, në qendrat shëndetësore nuk ka as ambiente për ofrimin e shërbimit si dhe mungojnë kontenitorët dhe kontratat për evadimin e mbetjeve spitalore.
Në qendrat e inspektuara është vërejtur amortizim i ndërtesës fizike (mungesë e lyerjes së ambienteve, amortizim i nyjeve hidro-sanitare, prani e lagështirës, prani papastërtish, etj.) si dhe amortizim i ndërtesës fizike.
ISHSH shkruan në raport se në qendrat shëndetësore ka edhe mangësi në dokumentacionin shëndetësor dhe higjieno-sanitar.
“Ka mungesë të akt-miratimit Higjieno-sanitar dhe nuk kryhet shërbimi DDD në ambientet e jashtme e të brendshme”, thuhet në raport.
Shërbimi DDD përfshin dezinfektimin, dezinsektimin dhe deratizimin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
