.png)
Një ekip kërkimor grek ka zhvilluar molekulën eksperimentale RSQ-020, e cila në testet paraklinike ka treguar rezultate premtuese te modelet shtazore me karakteristika të sëmundjes së Alzheimerit.
Udhëhequr nga studiuesi Giorgos Skretas, kërkuesit synuan proteinën Tau, e cila në Alzheimer mund të paloset në mënyrë jonormale dhe të formojë agregate që dëmtojnë funksionimin e qelizave nervore.
Sipas rezultateve të studimit, trajtimi me RSQ-020 riktheu aftësinë e të mësuarit dhe kujtesën te kafshët e përfshira në eksperimente.
Molekula u identifikua përmes një teknologjie të re që përdor baktere të modifikuara për të testuar një numër shumë të madh molekulash dhe për të zbuluar ato që mund të korrigjojnë palosjen e gabuar të proteinave.
Teknologjia ishte zhvilluar fillimisht për kërkime mbi ALS dhe proteinën SOD1, por studiuesit besojnë se mund të përdoret edhe për sëmundje të tjera neurodegjenerative, përfshirë Parkinsonin.
Megjithatë, RSQ-020 është ende në fazën paraklinike. Rezultatet te kafshët nuk nënkuptojnë ende se molekula është efektive apo e sigurt te njerëzit, ndaj nevojiten studime të mëtejshme përpara se të mund të konsiderohet si trajtim për Alzheimer.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje