.png)
Nga Gazeta ‘SI’ – Qeveria shqiptare ka miratuar këtë të mërkurë disa ndryshime në përbërjen e institucioneve qendrore, duke bërë rotacion në disa poste të rëndësishme të zëvendësministrave.
Sipas vendimit zyrtar, Vilma Premti është emëruar zëvendësministre për Evropën dhe Punët e Jashtme, duke zëvendësuar në këtë detyrë Silda Çepen, e cila është liruar nga posti.
Ndryshime janë bërë edhe në Ministrinë e Drejtësisë, ku Elona Hoxha është emëruar zëvendësministre, duke marrë vendin e Klajd Karametës, i cili është liruar nga kjo detyrë.
Në Ministrinë e Infrastrukturës dhe Energjisë, Besjan Kadiu do të ushtrojë detyrën e zëvendësministrit, ndërsa në Ministrinë e Bujqësisë dhe Zhvillimit Rural është emëruar Fatmir Guri, gjithashtu si zëvendësministër.
Nga ana tjetër, Këshilli i Ministrave ka vendosur të lirojë nga detyra Ana Kapajn, e cila mbante postin e zëvendësministres së Arsimit dhe Sportit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
