Nga Gazeta ‘Si’- Pa u bërë 24 orë nga shkarkimi i Erion Veliajt, kreu i qeverisë shqiptare Edi Rama, zhvilloi dy orë takim me katër nënkryetarët e bashkisë më të madhe në vend dhe kryetaren e komanduar, Anuela Ristani.
Në takim mësohet se ka marrë pjesë edhe kandidatja për kryetare e Bashkisë Tiranë, Ogerta Manastirliu.
Gjatë mbledhjes mësohet se janë trajtuar çështjet e menaxhimit dhe drejtimit të kryeqytetit në periudhën në vijim, deri në zgjedhjet e parakohshme.
Vendimi i Këshillit Bashkiak për shkarkimin e Erion Veliajt, i është dorëzuar Prefektit të Tiranës, i cili e ka miratuar zyrtarisht procedurën.
Pasdite, në orën 18:00, Rama do të mbledhë në një takim edhe ministrat si dhe deputetët e qarkut të Tiranës, i cili do të mbahet në parkun “Eden” në kryeministri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
