Nga Gazeta ‘SI’ – Pak besnikë i kanë mbetur Erion Veliajt, në minutat e fundit të pushtetit.
Zëvëndësuesja e tij Anuela Ristani ka bojkotuar mbledhjen e Këshillit Bashkiak, që po trajton kërkesën e qeverisë për shkarkimin e kryebashkiakut, ndonëse rregullorja kërkon pjesëmarrjen e saj.
Në mbledhje nuk ka marrë pjesë as Gazment Paja, mik i Veliajt, Joleza Koka bashkëpunëtore e afërt dhe Aldo Merkoçi, ish-kreu i MJAFT.
Ky i fundit ka bërë edhe rezistencë për firmosjen e kërkesës pak ditë më parë. Madje, ai i kërkoi qeverisë që në deklaratë të shënohet se Veliaj i ka shërbyer qytetit dhe fjalë të tjera për punën e tij të mirë dhe kërkesa i është marrë parasysh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
