.png)
Nga Gazeta ‘Si’- Kryeministri Edi Rama tha se procesi i Shqipërisë drejt anëtarësimit në BE ka përparuar shumë.
I pranishëm në konferencën ‘Shqipëria, Horizonti i Ri’ në Vjenë, ai tha se vendi ynë po i çel kapitujt e negociatave me një shpejtësi që sipas tij nuk është parë ndonjëherë më parë, gjatë procesit të anëtarësimit.
Rama ka komentuar dhe pozicionin e Kosovës në Ballkanin Perëndimor si dhe dialogun e ndërmjetësuar nga Bashkimi Europian me shtetin e Serbisë.
Ai është shprehur se Kosova duhet të fokusohet në synimet dhe qëllimet e veta dhe të mos mendojë për Serbinë. Rama u shpreh se nëse Kosova nuk bën hapa përpara për të plotësuar kërkesat e BE-së, vendi do të shkojë drejt izolimit.
“Më trishton, të shoh që nuk ka aspak përparim në këtë drejtim. Unë kam qenë dhe vazhdoj të mbetem i bindur, ka një rrugë shumë të qartë, Kosova nuk duhet të mendojë e të shohë Serbinë, por duhet të bëjë pjesën dhe detyrat e veta. Duhet t’i japë BE-së të gjitha atë fletoren me detyrat e bëra të shtëpisë dhe të kërkojë të ecë përpara.
Kjo nuk ka të bëjë me përmbushjen apo pranimin e asaj që kërkon Serbia, ka të bëjë me pranimin e asaj që kërkon BE. Ky dialog i ndërmjetësuar nga BE që është një dështim i madh nga formati i gabuar, vendi duhet të përmbushin kushtet që lidhen me vlerat, parimet dhe mënyrën e jetesës ë BE. Nëse Kosova e bën këtë, është në interesin e saj më të mirë për të mos lidhur veten me Serbinë. Në të kundërt, do të vazhdojë ta izolojë veten gjithmonë e më shumë”, tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
