.png)
Nga Gazeta ‘Si’- Pas mbledhjes së Konferencës së Kryetarëve, deputeti demokrat Agron Gjekmarkaj përsëriti edhe njëherë qëndrimin e opozitës se ndryshimet në rregulloren e Kuvendit do t’i çojnë në Gjykatën Kushtetuese.
Po ashtu, Gjekmarkaj shtoi se në mbledhje kërkoi anulimin e dënimeve për dy deputetët e opozitës, Gazment Bardhi dhe Fidel Kreka.
Gjekmarkaj denoncoi mazhorancën për arrogancën e saj politike në seancat e para plenare sipas tij, ku opozitës u tentua që t’i mbyllej goja dhe të mos lejohej debati gjatë prezantimit të programit qeverisës dhe votimit të kabinetit në mënyrë të njëanshme.
“Ju e patë seancën e dytë, kryeministri bëri që të mos kishte debat dhe as diskutime, pati ambasadorë të pranishëm që mbetën aty. Kërkova ripërsëritjen e seancën, të mblidhet komisioni i legjislacionit, të shihej mundësia e mocionit për shkarkim ndaj Niko Peleshit, të shihet rregullorja e parlamentit dhe që të mos ketë asnjë pengesë për gazetarët”, tha Gjekmarkaj para mediave.
Ai u pyet edhe për aksionin e mëtejshëm të PD-së, nëse do dorëzonte e votonte emrat për komisione dhe drejtim në Kuvend, apo do ndiqnin ankimimin kushtetues.
Gjekmarkaj shpjegoi se opozita nuk do linte asnjë hapësirë, por vendimi do merrej nga grupi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
