Nga Gazeta ‘Si’- Kryetari i Partisë Demokratike, Sali Berisha, në një konferencë për shtyp nga selia blu, komentoi zhvillimet e fundit politike.
I pyetur nga gazetarët nëse PD do ta njohë strukturën e re të propozuar nga Partia Socialiste për komisionet parlamentare, e cila parashikon 11 komisione parlamentare, ku 7 do të drejtohen nga mazhoranca dhe 4 nga opozita, Berisha tha se opozita nuk do ta mbështesë propozimin në seancën plenare të nesërme.
Sipas kreut të PD-së, ky veprim i mazhorancës synon jo eficiencën, por përfitime politike dhe rritje të kostove për taksapaguesit shqiptarë.
Seanca plenare ku pritet të votohet struktura e re parlamentare është planifikuar të zhvillohet nesër në orën 17:00.
“Ne nuk do të votojmë ndryshimin e strukturës parlamentare sepse është bërë një gjë e turpshme. Ndahet një komision në 3 dhe rriten shpenzimet për qytetarët”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
