Nga Gazeta Si- Partia Demokratike e Fierit deklaron se nuk do të njohë rezultatin e 7 kutive që janë numëruar pa praninë e tyre në KZAZ 60, vetëm nga dy numërues të PS dhe PSD.
Në KZAZ 60, numërimi u ndërpre në mesditë sepse numëruesit e PD deklaruan se ishin të lodhur dhe kërkuan që të ndërpritet numërimi për të nisur nesër në mëngjes.
Por, në komunikimin e PS me KQZ u vendos se numërimi do riniste me dy numërues një i PS dhe një i PSD, pasi ambientet monitorohen nga kamerat dhe numëruesit kanë edhe kamera në trup.
Ndërkohë, PD vendosi të rikthehej në qendrat e numërimit në orën 18:00 kurse numërimi rinisi në 16:00, sipas kodit zgjedhor.
Pasi ishte bërë numërimi i 7 kutive të para, PD tha se nuk do e pranojë rezultatin e kutive sepse numërimi ishte bërë pa praninë e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
