Gazeta Si – Të paktën 100 persona humbën jetën dhe më shumë se 150 janë plagosur, pasi një çati u shemb në një klub nate në kryeqytetin e Republikës Domenikane, Santo Domingo.
Ngjarja ndodhi në orët e para të së martës në një koncert të këngëtares së njohur të Rubby Pérez në klubin e natës “JetSet”.
Operacionet e kërkimit vijojnë për të nxjerrë gjallë sa më shumë pjesëmarrës në këtë lokal, por frika se numri i viktimave mund të shtohet mbetet e madhe.
Autoritetet raportojnë se mes viktimave ka politikanë, sportisë dhe artisë të ndryshëm, të cilët merrnin pjese në këtë shfaqje në klubin e njohur në San Diego.
Mediat raportojnë se në disko kishte midis 500 dhe 1000 njerëz në vend. Në vendngjarje mbërritën drejtori i emergjencave, ministrat e Mbrojtjes dhe Shëndetësisë dhe presidenti, Luis Abinader.
“Na vjen thellësisht keq për këtë tragjedi. Ne e kemi ndjekur rastin minutë pas minute. Të gjitha agjencitë e ndihmës po ofrojnë ndihmën e nevojshme dhe po punojnë pa u lodhur”, – tha Abinader. Të plagosurit e dërguar në spital me autoambulanca mendohet se janë rreth njëqind.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
