.png)
Nga Gazeta ‘Si’- Komisioni Rregullator ka refuzuar me shumicë votash kërkesën për zgjatjen e afatit të regjistrimit të diasporës, duke votuar 3 pro dhe 2 kundër.
“Ndryshimi i rregullave të lojës në momentin e fundit nuk i shërben procesit. Diaspora ka pasur mjaftueshëm kohë për të shprehur vullnetin/të drejtën. Me shtyrjen e afatit thyhet afati prej 63 ditësh”, deklaroi Ilirjana Nano, kryetare e Komisionit Rregullator të KQZ-së.
Dy anëtarë të Komisionit Rregullator, Helga Vukaj dhe Muharrem Çakaj kërkuan në mbledhjen e Komisionit Rregullator, shtyrjen e afatit deri më datë 9 mars të regjistrimit të shtetasve shqiptarë që jetojnë jashtë vendit në Platformën Elektronike të Regjistrimit (PER) për të marrë pjesë në zgjedhjet parlamentare të 11 majit
Konkretisht, sipas propozimit të anëtarëve të Komisionit Rregullator u kërkua “një afat shtesë 5-ditor, gjatë të cilit zgjedhësve që iu është refuzuar kërkesa mund të riaplikojnë, duke plotësuar dokumentacionin dhe kërkesat ligjore, si dhe për zgjedhësit e tjerë të mund të regjistrohen”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
