Nga Gazeta ‘SI’ – Komisioni parlamentar i Ligjeve ka miratuar ndryshimet e Kodit Zgjedhor, duke sanksionuar se posta për votën e diasporës si për dërgimin dhe kthimin do të përballohet financiarisht nga shteti.
Ndërkohë socialistët kanë rrëzuar propozimin e PD-së që emigrantët të votojnë me dokumente të huaja biometrike të shtetit ku ata jetojnë.
Palët kanë rënë dakord që numërimi i votës së diasporës të bëhet me komisionerë partiakë. Me votat e mazhorancës kaloi dhe propozimi për afrimin e afateve për listën e kandidatëve për deputet, ndërsa PD votoi kundër.
Këto ndryshime në Kodin Zgjedhor do të hidhen për votim të enjten në seancë plenare. Për miratimin e tyre socialistëve në pushtet ju duhen të paktën 84 vota.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
