Gazeta Si-Një autobus në veri të Norvegjisë me rreth 60-70 persona në bord është përfshirë në një aksident të rëndë dhe ka rënë në det.
Sipas mediave lokale, drejtuesi i mjetit duket ka humbur kontrollin e mjetit dhe ka përfunduar jashtë nga rruga. “Dyshohet për viktima”, shkruan gazeta norvegjeze online “Dagsavisen”.
Alarmi u ngrit në orën 14:02 dhe ekipet e shpëtimit nga i gjithë rajoni verior i Norvegjisë po shkojnë në vendngjarje, në autostradën E10 në komunën Hadesl.
“Kushtet e motit në terren janë shumë të këqija. Helikopterët e shpëtimit nga Bodo dhe Tromso, si dhe shërbime të tjera të emergjencës, u dërguan në vendngjarje”, tha Jan Eskil Severinsen, nga Qendra Norvegjeze e Koordinimit të Shpëtimit, i intervistuar nga transmetuesi publik norvegjez.
Bjorn Delebekk, një nga zyrtarët e shpëtimit, tha për mediat lokale se automjeti ishte pjesërisht i zhytur në ujë.
Autobusi i përket kompanisë së transportit “Boreal”, siç konfirmohet nga një menaxher i kompanisë. Aksidenti ka ndodhur në veri të Norvegjisë.
Në përditësim…
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
