Nga Gazeta ‘Si’ – Të katër aeroportet e Moskës janë mbyllur përkohësisht, sipas mbikëqyrësit të aviacionit të Rusisë.
Sipas mediave të huaja, Aeroporti në Kaluga, i cili është 160 km në jugperëndim të Moskës, është mbyllur gjithashtu.
“Ekuipazhet e avionëve, kontrollorët e trafikut ajror dhe shërbimet e aeroportit po marrin të gjitha masat e nevojshme për të garantuar sigurinë e fluturimit,” tha Rosaviatsia në një deklaratë.
Ende asnjë arsye nuk është dhënë nga autoritetet në Rusi lidhur me mbylljen e aeroporteve.
Kujtojmë se lufta në Ukrainë ka sjellë edhe probleme të herëpashershme me fluturimet, pasi në disa raste raketat kanë rrezikuar edhe sigurinë e avionëve.
Një avion i Azerbajxhan Airlines me 67 persona në bord u rrëzua ditën e djeshme në Kazakistan, pasi dyshohet se u godit nga shpërthimi i një rakete ruse. Në fillim u dyshua se avioni u përplas me një tufë zogjsh por nga shenjat e plumbave në trupin e tij, u dyshua për një sulm nga Rusia. Megjithatë, hetimet vazhdojnë ende.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
