Gazeta Si – “Sapo të bëj betimin, do t’i kërkoj Departamentit të Drejtësisë të zbatojë dënimin me vdekje” për kriminelët e dhunshëm për të “mbrojtur familjet amerikane”.
Trump nuk e pranon zbutjen e dënimit me vdekje të vendosur nga Biden për 37 nga 40 të burgosur me dënim të kapital në SHBA. Për të larguar çdo dyshim për pozicionin e tij, ai ia besoi mendimet e tij të “Truth Social”.
“Nuk ka kuptim. Të afërmit dhe miqtë (të viktimave) janë edhe më të shkatërruar. Nuk e besojnë dot çfarë po ndodh!”, shtoi presidenti i zgjedhur duke e përkeqësuar situatën.
Ajo që bëri Biden, përfaqëson “numrin më të lartë të ndryshimit të dënimit me vdekje nga një president amerikan në kohët moderne”, vunë në dukje organizatat e të drejtave të njeriut.
Në muajt e fundit ata kishin rritur presionin ndaj presidentit, sepse i frikësoheshin një vale ekzekutimesh kur Trump, një mbështetës i zjarrtë i dënimit me vdekje, pritet të kthehet në Shtëpinë e Bardhë më 20 janar.
Gjatë fushatës zgjedhore, Trump tha disa herë se do të kërkonte zgjerimin e fushës së dënimit me vdekje, veçanërisht për emigrantët e dënuar për vrasjen e qytetarëve amerikanë ose për trafikantët e drogës dhe njerëzve.
Biden ka përjashtuar nga masa e tij tre autorë të sulmeve, përfshirë Dzhokhar Tsarnaev, një nga ata që shkaktuan vdekjen e tre personave në Maratonën e Bostonit më 15 prill 2013.
Sipas të dhënave nga Qendra e Informacionit për Dënimin me Vdekje, në vitin e kaluar, 25 dënimet me vdekje u kryen në 9 shtete të ndryshme të SHBA-ve.
Një sondazh i fundit i “Gallup” zbulon se më shumë se gjysma e të rinjve amerikanë, të moshës 18 deri në 43 vjeç, tani kundërshtojnë dënimin me vdekje.
Për më tepër, më pak njerëz e gjetën dënimin me vdekje moralisht të pranueshëm këtë vit (55%) sesa vitin e kaluar (60%).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
