.png)
Gazeta Si – Kulla Eifel u evakuua mëngjesin e kësaj të marte në Paris për shkak të një zjarri që filloi midis katit të parë dhe të dytë të boshtit të ashensorit.
Lajmin e kanë bërë të ditur burime policore për mediat lokale. Zjarrfikësit e Parisit kanë ndërhyrë menjëherë dhe kanë shuar flakët. Gjithsej, rreth 1200 njerëz u evakuuan nga policia.
Sipas asaj që raporton “The Mirror”, zjarri ka përfshirë boshtin e ashenshorit midis katit të parë dhe të dytë të kullës. Dyshohet se shkak për zjarrin të jetë bërë mbinxehja e një kablloje elektrike.
“Një zjarr është duke u zhvilluar në Kullën Eiffel. Flakët janë vërejtur në boshtin e ashensorit midis katit 1 dhe 2. Të gjithë njerëzit në afërsi janë evakuuar. Zjarrfikësit janë ende duke punuar”, shkruajnë në rrjetet sociale.
Pas ngjarjes, Kulla Eifel u mbyll për një periudhë të shkurtër, ndërsa autoritetet filluan hetimet për të zbuluar shkakun e këtij zjarri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
