.png)
Nga Gazeta ‘Si’ – Presidenti i Rusisë Vladimir Putin i ka dërguar një mesazh urimi presidentit serb Aleksander Vuçiç për festat e fundvitit.
Sipas mediave serbe, Putin shkruan se partneriteti- strategjik mes Rusisë dhe Serbisë ka qenë i shkëlqyer gjatë gjithë vitit, bazuar në traditën e lashtë të miqësisë mes dy vendeve.
“Ju përgëzoj nga zemra për festat e ardhshme – Vitin e Ri dhe Krishtlindjet Ortodokse.
Marrëdhëniet ruso-serbe, të cilat bazohen në traditat e lashta të miqësisë dhe afërsisë shpirtërore, janë zhvilluar me sukses në sfera të ndryshme në kuadër të partneritetit strategjik gjatë vitit të kaluar.
Jam i bindur se do të vazhdojmë punën e përbashkët aktive për çështjet aktuale të agjendës dypalëshe dhe ndërkombëtare në dobi të popujve vëllazërorë të vendeve tona.
Ju uroj juve, familjes dhe të dashurive tuaj shëndet, lumturi dhe suksese, dhe paqe e begati për të gjithë qytetarët e Serbisë”, thuhet në urimin e Putin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
