.png)
Gazeta Si – Giorgia Meloni është “personi më i fuqishëm në Evropë”, sipas renditjes së vitit 2025 të edicionit evropian të revistës amerikane “Politico”.
“Cilin telefononi nëse doni të flisni me Evropën? Nëse jeni Elon Musk – njeriu më i pasur në botë dhe një këshilltar kryesor i presidentit të zgjedhur të SHBA-së, Donald Trump – numri që merrni i përket Giorgia Melonit”, fillon artikulli kushtuar kryeministres italiane.
“Në më pak se një dekadë, liderja e partisë së krahut të djathtë Vëllezërit e Italisë ka kaluar nga një ultranacionaliste, në kryeministre të Italisë, duke u vendosur si një figurë me të cilën Brukseli dhe tani Uashingtoni, mund të bëjnë biznes”.
Prandaj, “Politico” kthehet për të njohur meritat e mëdha në Giorgia Melonit, pasi e zgjodhi atë “liderem më konkrete në BE” në nëntor 2023.
Çfrë shkruan “Politico” për Melonin – Meloni “bëri lajme në nivel botëror duke u bërë kryeministrja e parë femër në Itali, por pakkush do ta kishte parashikuar qëndrimin e saj të gjatë në pushtet”, vijon portali.
Analistët “besonin se lufta e brendshme do të ndante në mënyrë të pashmangshme koalicionin e saj qeverisës të krahut të djathtë dhe nuk kishte entuziazëm për të në Bruksel. Por gjatë dy viteve të fundit, Meloni e ka konsoliduar qeverinë e saj si një nga më të qëndrueshmet. Edhe pse vendi është rënduar nga një borxh publik i barabartë me 137% të PBB-së, parashikimet ekonomike nuk janë aq të zymta sa të trembin investitorët e huaj, të tërhequr nga një klimë politike jashtëzakonisht e qetë”.
Stabiliteti i qeverisë italiane “ka habitur vëzhguesit ndërkombëtarë, deri në atë pikë sa shumë nuk e kanë vënë re regresin demokratik, veçanërisht në lidhje me lirinë e shprehjes, që ka ndodhur nën Melonin”. lexohet sërish në “Politico”.
“Ndërsa Meloni konsolidoi fuqinë e saj në shtëpi, ajo punoi shumë për të bindur udhëheqësit e BE-së se ishte një partnere e besueshme për çështje kyçe si Ukraina dhe menaxhimi i emigracionit. Meloni balancoi me mjeshtëri pozicionimin e saj ideologjik”.
Rritja e Giorgia Melonit – Ngritja e Giorgia Melonit ka përkuar me një rishikim në mbarë Evropën në lidhje me krizën e emigracionit dhe politikanët kanë shfrytëzuar me zgjuarsi imazhin e saj të moderuar për të drejtuar BE-në drejt qasjes së saj të preferuar ndaj çështjes”, thekson revista, sipas të cilës, “erërat politike po i shtyjnë velat e Melonit”.
Me lojtarët kryesorë tradicionalë evropianë në vështirësi (Gjermania dhe Franca), kryeministrja italiane “po përfiton nga një vakum pushteti”, duke e lejuar atë të zbatojë politikat e saj. Rizgjedhja e Trump mund t’i japë Melonit një shtysë të mëtejshme”, – theksojnë reporterët.
“Statura e Melonit në Evropë përfiton nga perceptimi se ajo është pjesë e një fenomeni të suksesshëm politik, një lëvizje globale e populistëve ultra-nacionalistë. Dhe suksesi i saj në normalizimin e pranisë së saj në krye të strukturës së pushtetit të bllokut, shërben si model për figura të tilla si liderja franceze e ekstremit të djathtë, Marine Le Pen”.
E ardhmja e Melonit midis SHBA-së, BE-së dhe NATO-s – Deri më tani Meloni “ka ushtruar ndikimin e saj kryesisht në Itali. Pyetja tani është nëse ajo do të fillojë të ushtrojë pushtetin e saj në nivel ndërkombëtar dhe nëse – me një erë të re që fryn nga Atlantiku – do të vazhdojë të bashkëpunojë me institucione të tilla si BE dhe NATO, ose nëse, siç sugjeron Steve Bannon, do të kthehet në rrënjët e saj të djathta dhe do të sfidojë status quo-në”, – përfundon artikulli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
