Katedralja e Parisit, Notre-Dame është rihapur këtë të shtunë, pas 5 vitesh pune rindërtimi dhe restaurimi për dëmet e shkaktuara nga zjarri shkatërrues i prillit 2019.
Të pranishëm në ceremoni ishin liderë nga e gjithë bota.
Ndër të parët që kanë mbëritur në vend kanë qenë presidenti i zgjedhur amerikan Donald Trump dhe presidenti Ukrainas Volodymyr Zelensky. Para nisjes së ceremonisë, Macron priti në pallatin presidencial Elysse, Trumpin dhe presidentin ukrainas, të cilët zhvilluan një takim trepalësh.
Bienvenue @realDonaldTrump.
— Emmanuel Macron (@EmmanuelMacron) December 7, 2024
Fier de l’amitié entre les États-Unis d’Amérique et la France. Nous avons tant de défis à relever ensemble. pic.twitter.com/Nv4HbpLizT
Pas takimit trepalësh, Macron së bashku me bashkëshorten e tij, Brigitte Macron mbërriti në katedralen ikonike. AI u prit atje nga kryeministri Michel Barnier, i cili do të qëndrojë në detyrë deri në emërimin e një kryeministri tjetër.
Në ceremoninë hapesë ishin pjesë Zonja e Parë e SHBA, Jill Biden (pa presidentin Joe Biden), kryeministrja italiane Giorgia Meloni, presidenti Sergio Mattarella dhe jo vetëm. E pranishme nuk ishte Presidentja e Komisionit Europian, Ursula von der Leyen.
Hapja e katedrales u bë në mot të pafavorshëm, aq sa të gjitha festimet u zhvendosën brenda kishës. Rihapja e katedrales Notre-Dame u kthye në një ngjarje me shtrirje ndërkombëtare, duke përfshirë diplomacinë, muzikën, kinemanë, në një kryeqytet të blinduar për ngjarjen e vitit pas Olimpiadës.
Një program shumë intensiv që sheh Presidentin Emmanuel Macron në një klimë të errësuar nga kriza politike pas rënies së qeverisë Barnier dhe urgjenca e emërimit të një kryeministri të ri.
Papa Françesku: Rlindja e kësaj kishe, ripëritje e Kishës në Francë
“Rilindja e kësaj Kishe të admirueshme le të jetë një shenjë profetike e ripërtëritjes së Kishës në Francë. Unë i ftoj të gjithë të pagëzuarit që do të hyjnë me gëzim në këtë Katedrale të ndiejnë krenarinë e ligjshme dhe të rimarrin trashëgiminë e tyre të besimit”.
Kështu u shpreh Papa Françesku në një mesazh dërguar kryepeshkopit të Parisit, Imzot Laurent Ulrich, me rastin e rihapjes së Katedrales ‘Notre-Dame’. Mesazhi u lexua nga Nunci Apostolik në Francë, Imzot Celestino Migliore.
“Ne të gjithë ende e kujtojmë zjarrin e tmerrshëm që pesë vjet më parë dëmtoi rëndë ndërtesën. Zemrat tona u fundosën duke rrezikuar të shohim të zhduket një vepër besimi dhe arkitekturë e krishterë, një dëshmitar shekullor i historisë suaj. Sot, trishtimi dhe zia i lënë vendin gëzimit, festës dhe lavdërimit të të gjithë atyre, veçanërisht zjarrfikësve, që punuan me guxim për të shpëtuar këtë monument historik nga rrënimi, për bujarinë e madhe ndërkombëtare që kontribuoi në restaurim”, u shpreh Papa Françesku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
