Nga Gazeta ‘Si’- Pas protestës së ditës së sotme në Kuvend, Grupi parlamentar i Partisë Demokratike ka bërë një kallëzim në Spak.
PD njofton se kanë kallëzuar Kryetaren e Kuvendit Elisa Spiropalin, Ministrin e Brendshëm, Ervin Hoxha, Drejtorin e Përgjithshëm të Policisë Ilir Proda, Drejtorin e Policisë së Tiranës Tonin Vocajn si dhe disa punonjës të paidentifikuar policie me akuzën se u futën persona ta armatosur në Kuvend dhe kanosën me armë deputetët.
Gazment Bardhi denoncoi përmes një video një moment i cili sipas tij tregon një efektiv policie i ka nxjerrë armën deputetit Luan Baçi dhe Bledion Nallbati.
“Policë të armatosur kanë hyrë në kuvend, i kanë drejtuar armën deputetëve dhe i kanë qëlluar. Asnjë herë në kuvend nuk kanë hyrë forca speciale për të goditur deputetë. Kjo është fytyra e një krimineli në krye të policisë së shtetit. Kujtojnë se do të trembin deputetët”, tha Bardhi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
