.png)
Gazeta Si – Mediat amerikane, duke përfshirë prestigjiozet "Washington Post" dhe "Wall Street Journal", shkruajnë se kryeministri izraelit Benjamin Netanjahu i tha presidentit amerikan Joe Biden se sulmi i paralajmëruar i Izraelit ndaj Iranit nuk do të synojë objektet e naftës dhe ato bërthamore.
Zyra e kryeministrit izraelit iu përgjigj lajmeve të SHBA-ve të martën në mëngjes, duke thënë se Izraeli dëgjon pikëpamjet e qeverisë amerikane, por shtoi se "ne do të marrim vendimet tona përfundimtare bazuar në nevojat tona të sigurisë kombëtare".
Një përgjigje izraelite ndaj lëshimit të raketave balistike iraniane kundër Izraelit javën e kaluar është pritur me ditë të tëra dhe shumë analistë kanë hipotezuar se objektivat mund të përfshijnë objektet dhe qendrat kërkimore që Irani përdor për pasurimin e uraniumit dhe të cilat mund t'i përdorë në të ardhmen për të ndërtuar një bombë bërthamore.
Është një hipotezë që shqetëson shumë analistë, por bazuar në atë që disa zyrtarë të qeverisë amerikane u thanë mediave në mënyrë anonime, Netanjahu ka siguruar Bidenin se Izraeli synon të godasë vetëm objektiva ushtarake, pasi presidenti amerikan kishte thënë publikisht të mos mbështeste një sulm të mundshëm izraelit kundër siteve bërthamore iraniane.
Pozicioni i Bidenit është thelbësor, sepse mbështetja e SHBA-ve në një sulm kundër Iranit do të ishte e nevojshme.
Për të shkatërruar ose dëmtuar rëndë objektet iraniane, nevojiten aftësi sulmi dhe bomba me potencial të lartë shkatërrues, të cilat për momentin i kanë vetëm Shtetet e Bashkuara të Amerikës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
