.png)
Nga Gazeta 'Si'-Është tensionuar situata në godinën e Parlamentit, ku deputetët e opozitës, të përjashtuar nga punimet, janë përleshur me gardistët.
Deputetët nuk lejohet të futen në sallë pasi janë të përjashtuar për djegien e karrigeve në seancën e të hënës. Pasi iu është bllokuar hyrja kryesore, ata kanë tentuar të futen nga mbrapa godinës, por nuk janë lejuar nga gardistët.
Kjo ka sjelle tensionimin e situatës dhe deputetët e PD kanë penguar kolegët socialistë dhe ministrat e qeverisë të futen në godinë, duke i shtyrë.
Në një moment deputeti Frrok Gjini ka tentuar të futet në Kuvend, por nuk e kanë lejuar.
Ai dëgjohet të thotë në debat me Flamur Nokën: Nuk ka bir k**** të më ndalojë mua, o i gjallë o i vdekur futem në Parlament.
Flamur Noka: Ik Frrok, hajde tani, ik!
Frrok Gjini: Mos më prek më dorë!
Flamur Noka: Ik Frrok, nuk hyn.
Frrok Gjini: Ore s’më prek kush më dorë mua. S’ka bir k**ve që më ndalon të hyj në Parlament.
Flamur Noka: Frrok hajde me mua të flasim.
Frrok Gjini: S’kam punë me ty, do hyj në Parlament. Nuk kthehem pas unë. Do hyj në Parlament.
Ndërsa deputeti Luan Baçi dëgjohet t'i drejtohet Niko Peleshit: “Niko mos bëni të fortin”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
