.png)
Nga Gazeta 'Si'- Forcat e Mbrojtjes së Izraelit(IDF) pohuan se kanë sulmuar “selinë qendrore” të Hezbollahut në Bejrut.
Sulmi ka ndodhur në godinën në të cilën dyshohet se ndodhej lideri i Hezbollahut Nasralla, por ende nuk dihet fati i tij.
Netanjahu u tha gazetarëve se ka dhënë urdhër ta ekzekutojnë liderin e Hezbollahut pak minuta se sulmi të ndodhte në Bejrut.
Të paktën dy persona u vranë dhe 76 u plagosën në sulmin e Izraelit të premten në Bejrut, sipas një numri fillestar të ndarë nga Ministria libaneze e Shëndetësisë.
“Heqja e rrënojave po vazhdon mes pritshmërive se numri mund të rritet”, shtoi ministria në një deklaratë.
Zëdhënësi i IDF-së, kundëradmirali Daniel Hagari tha se selia ishte ndërtuar qëllimisht nën ndërtesa banimi “si pjesë e strategjisë së Hezbollahut për të përdorur popullin libanez si mburoja njerëzore”.
Izraeli thotë se synon të heqë kërcënimin e Hezbollahut dhe t’i kthejë njerëzit e zhvendosur në Izraelin verior. Hezbollahu, i mbështetur nga Irani, thotë se po vepron në solidaritet me palestinezët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
