Gazeta Si – Emri i tij është Zhu Hengpeng. Ai është 55 vjeç dhe deri vonë konsiderohej si një nga ekspertët më kompetentë ekonomikë në Akademinë Kineze të Shkencave Sociale, “tempullin” e kërkimit në Pekin.
Nuk ka pasur asnjë lajm për Zhun-ë që nga prilli i kaluar. Ose më saktë, shkruan gazeta “Wll Street Journal”, bëhet e ditur se studiuesi u vu nën hetim, u arrestua dhe më pas u hoq nga detyrat e tij si zëvendësdrejtor i Institutit të Ekonomisë dhe drejtor i Qendrës së Kërkimeve për Politikat Publike.
Ndërkohë, veprat e tij dhe çdo referencë për karrierën e tij janë zhdukur nga faqja e internetit e Akademisë dhe grupeve të tjera të lidhura me të.
Sikur të mos kishte ekzistuar kurrë. Pse e gjithë kjo? Heshtja rrethon, siç është traditë në Kinë, fatin e Zhu Hengpeng.
Por, dhe kjo është edhe tipike, thashethemet për “krimin” që ai kreu qarkullojnë në rrethet e studiuesve dhe funksionojnë në mënyrë të admirueshme si një paralajmërim për ata që duan ta imitojnë atë.
Sepse Zhu – ndoshta i frymëzuar nga klima e relativitetit të lirisë së kritikës që u jepet anëtarëve të Akademisë, ndoshta institucioni më prestigjioz dhe më i dëgjuar në Perandorinë Qiellore, me një lidhje të drejtpërdrejtë me Këshillin Shtetëror (qeverinë) e Pekinit – u pengua (keq) mbi tabunë e tabuve në këto kohë neo-maoiste.
Një kritikë për timonierin e ri Xi Jinping dhe mendimin e tij. Asgjë nuk dihet për fjalët që studiuesi do të kishte thënë, përveç se “kritikat” e tij do të ishin formuluar në një grup të mbyllur të WeChat, aplikacioni që zëvendëson WhatsApp në Kinë.
Dhe se, edhe kjo “thuhet”, do të kishte bërë një referencë për “vdekshmërinë” e Xi-së. Çështja është se Republika Popullore ka hyrë në një fazë stanjacioni relativ ekonomik, i shkaktuar nga një flluskë e pasurive të paluajtshme që duket në prag të shpërthimit, por që menaxhohet politikisht nga qeveria.
Ngritja e Xi Jinping ka parë një shtrëngim progresiv të lirisë së sipërmarrjes me një kthim në “superioritetin e teorisë marksiste” me tone që kanë rikthyer në modë (por pa ekseset) mendimin e Mao Ce Dunit, tashmë të përcaktuar më saktë siç Xi Jinping mendon.
Ekonomia i ka pësuar goditjet. Kufizimet për sipërmarrësit që janë shumë të guximshme, janë shoqëruar nga një kontroll ideologjik asfiksues, sipas udhëzimeve që shkojnë përtej retorikës klasike komuniste.
Në fakt, është në rrezik stabiliteti i Perandorisë, i cili është matur – me shekuj – me atmosferën e harmonisë që duhet të burojë nga shoqëria.
E thënë thjesht, askush në Kinë nuk mund të kritikojë menaxhimin e çështjeve publike, aq më pak (tabu!) liderin suprem.
Zgjedhjet e të cilit janë të padiskutueshme dhe pa defekte sipas definicionit. Edhe kur realiteti dërgon sinjale të ndryshme: ato duhet të injorohen përsëri, nën dënimin e arrestimit dhe harresës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
