Nga Gazeta 'Si'- Sulmet ukrainase me dronë dhe raketa në territorin rus nuk janë ndaluar as gjatë mbrëmjes së kaluar dhe orëve të para të së enjtes, madje për Kievin kjo mund të ketë qenë një nga netët më të suksesshme në përballjen e tyre me armikun.
Një burim nga Shërbimi i Sigurisë së Ukrainës ka thënë për CNN se Kievi ka arritur të shkatërrojë një depo të madhe municionesh në rajonin perëndimor rus të Tverit.
Dronët arritën të shënjestrojnë depon në qytetin Toropets, e cila ruante sistemet e raketave taktike Iskander, sistemet e raketave taktike Tochka-U dhe municione artilerie.
Guvernatori i rajonit rus Igor Rudenya ka urdhëruar një evakuuim të pjesshëm të banorëve në atë zonë pas shpërthimit të fuqishëm në depo.
Shpërthimi ka qenë aq i fortë sa ka shkaktuar lëkundje të tokës deri në 2,8 rihter. Ben Dando, një sizmolog në fondacionin norvegjez të kërkimit NORSAR, i tha CNN se sensorët e tij "zbuluan sinjale sizmike, të magnitudës 2.5 deri në 2.8, në veriperëndim të Rusisë, të cilat duket se lidhen me sulmin me dron të nisur nga Ukraina".
Quelques précisions sur la construction de feu l'arsenal de Toropets.
— Albert le Ver (@AlbLeVert) September 19, 2024
Corruption, erreurs de concept, munitions entreposées à l'extérieur, tout était prêt pour un beau feu d'artifice... https://t.co/nB0erdfudk
Presidenti ukrainas Volodymyr Zelenskyy vlerësoi ushtrinë ukrainase për sulmin në depon ushtarake ruse në Toropets.
Zelenskyy thotë se Plani i Fitores së Ukrainës është plotësisht i përfunduar dhe se gjëja më e rëndësishme tani është vendosmëria për ta zbatuar atë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.