Izraeli po përgatiti një front të ri lufte: Atë ndaj Libanit dhe Hezbollah, në të njëjtën mënyrë siç veproi në Gaza.
Kryeministri Benjamin Netanyahu tha në një takim strategjik me zyrtarët e sigurisë se qëllimi është të fillojë një front lufte me Libanin sa më shpejt të jetë e mundur. Kjo u raportua nga Channel 13.
Zyrtarët e sigurisë besojnë se fronti verior kërkon një reduktim të forcave që luftojnë në Gaza. Sipas një ndihmësi anonim të Netanyahut, nuk është caktuar një afat kohor për transferimin, por ai mund të ndodhë brenda disa javësh ose disa muajsh, shkruan “La Repubblica”.
Situata në veri nuk mund të vazhdojë. IDF duhet të përgatitet për një fushatë të gjerë në Liban", tha kryeministri.
Kryeministri izraelit Benjamin Netanyahu pritet të mbajë fjalim në Asamblenë e Përgjithshme të Kombeve të Bashkuara të premten, më 27 shtator dhe të kalojë atë fundjavë në Shtetet e Bashkuara për festën hebraike të Shabatit. Lajmin e raporton “Ynet”. Netanyahu pritet të niset për në Nju Jork të martën më 24 dhe të kalojë pesë ditë në SHBA.
Ndërsa Hamasi propozon t'i lërë kontrollin e korridorit të Filadefit IDF-së deri në fund të konfliktit, kryeministri izraelit do të ishte i gatshëm, sipas mediave lokale, të zhvendoste trupat në veri për të sulmuar Libanin në një shkallë të gjerë.
Izraeli bombardon përsëri Nuseirat, 3 të vrarë! Jemeni i përgjigjet me raketë
Por hapja e një fronti të ri do të ndizte akoma më shumë konfliktet me trikëndëshin Hezbollah-Iran-Hamas.
Në anën tjetër, 3 palestinezë vdiqën dhe disa të tjerë u plagosën në një bombardim izraelit që goditi kampin e refugjatëve Nuseirat në qendër të Rripit të Gazës orët e vona të mbrëmjes te së shtunës (14 Shtator).
E njëjta zonë ku gjashtë zyrtarë të OKB-së vdiqën disa ditë më parë, pas një sulmi të mëparshëm ajror, raporton “Al Jazeera”.
Gjithashtu sulm ka pasur edhe ndaj territorit izraelit. Një raketë u lëshua dhe goditi në Izraelin qendror, por nuk u regjistrua asnjë viktimë nga sulmi. Autoritetet thanë se raketa u lëshua nga Jemeni, një tjetër shtet në armiqësi me Tel Avivin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
