.png)
Me vendim të dy anëtarëve, Komisioni i Ankimeve dhe Sanksioneve vendosi hapjen e kutive te materialeve zgjedhore për Bashkinë e Himarës.
Në bazë të këtij vendimi mësohet se do të kryhet verifikimi i kopjeve të të gjitha Regjistrave të Posaçëm të 36-QV në Himare, ku janë evidentuar të paktën 560 zgjedhës që nuk janë lejuar të votojnë, pasi karta ID e tyre rezultonte me datë të skaduar.
Po ashtu, do të verifikohen edhe kopjet e të gjitha proces-verbaleve apo dokumenteve të tjera të votimit të 36-QV në Himarë, ku mund të jetë shënuar manualisht identifikimi i mbi 260 votuesve të cilëve, pasja PEI nuk i njihte, edhe pse kartat e tyre ID ishin rinovuar pak ditë përpara datës 4 gusht 2024.
Koalicioni Bashkë Fitojmë vuri në lëvizje këtë hallkë të KQZ-së duke kërkuar pavlefshmëri zgjedhore, ku si argument kishte pamundësimin e qytetarëve të Himarës për të ushtruar të drejtën e votës për shkak të skadimit të letërnjoftimeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
