.png)
Gazeta Si - Kamala Harris konsolidon përparimin e saj ndaj Donald Trump në katër shtete luhatëse të rajoneve të ashtuquajtura “Brezi i Diellit” (shtetet jugore të vendit nga Lindja në Perëndim të SHBA-së) falë të rinjve, afrikano-amerikanëve dhe hispanikëve.
Sipas një sondazhi të ri të "New York Times"-Siena College, zëvendësja aktuale e Bidenit, kryeson në Arizona (50% deri në 45%) dhe është “kokë më kokë” me kundërshtarin e saj në Karolinën e Veriut (49% me 47%), ku miliarderi fitoi në 2020 dhe Nevada (47% në 48%), ndërsa kandidati republikan është përpara në Xhorxhia (50% në 46%).
Sot, sipas Cohn, numrat duken përsëri "normalë" dhe rruga drejt shteteve në “Brezin e Diellit” është kthyer në favor për Harris.
Jo vetëm që rezultatet kryesore ngjajnë me ato të zgjedhjeve të fundit, por shumë nga modelet e pazakonta demografike të krahasimit Biden-Trump janë zhdukur.
Kamala ka një avantazh 84-11 midis votuesve me ngjyrë në Xhorxhia dhe Karolinën e Veriut, dy shtetet kryesore, ku votuesit afrikano-amerikanë përbëjnë pjesën më të madhe të elektoratit.
Askujt nuk do t'i kishte rënë në sy një rezultat si ky një ose dy vjet më parë, por është një përmirësim i rëndësishëm krahasuar me epërsinë 74-17 të Bidenit në maj në Xhorxhia dhe epërsinë e tij 74-18 në pesë sondazhet e fundit kombëtare të kryera për fushatën e tij nga “Neë York Times”..
Harris gjithashtu mori një epërsi të qartë midis votuesve të rinj dhe hispanikë. Latinët i japin asaj epërsi 54-40 në Arizona dhe Nevada, dy shtetet e luhatshme ku votuesit hispanikë përbëjnë pjesën më të madhe të elektoratit, nga epërsia e ngushtë e Bidenit 47-43 në maj.
Situata është e ngjashme midis votuesve të rinj (nga 18 deri në 29 vjeç), të cilët i japin Kamalës një epërsi 55-39 në të katër shtetet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
