Në një vizitë të paparalajmëruar, kryeministri Edi Rama ka udhëtuar pasditen e sotme drejt Turqisë ku është pritur dhe takuar nga presidenti turk, Rexhep Taip Erdogan.
Nuk ka një njoftim të vizitës së Ramës në Turqi, ndërsa kjo është bërë e ditur nga faqja zyrtare e Presidentit turk, ku janë publikuar pamjet e takimit.
Një takim që zhvillohet në valën e protestave në vend, pasi prej tre ditësh studentët protestojnë masivisht duke kërkuar plotësimin e kërkesave të tyre, ndërsa prej më shumë se një muaj banorët që preken nga Unaza e Re kundërshtojnë prishjen e banesave të tyre.
Rama dhe Erdogan njihen edhe si miq të ngushtë me njëri tjetrin, pasi shpesh kryeministri shqiptar ka kryer edhe vizita private në Turqi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.