.png)
Edicioni i tridhjetë e tretë i Lojërave Olimpike do të mbahet në Paris, nga data 26 korrik, me ceremoninë e hapjes ku vlen të veçohet parakalimi i sportistëve, të cilët këtë vit do të ecin me varka përgjatë lumit Sena, deri më 11 gusht, ku do të bëhet edhe ceremonia e mbylljes.
Megjithatë, pse regbi, hendbolli dhe futbolli, i fillojnë garat e tyre më 24 korrik? Disiplina e futbollit për meshkuj do të nisë garat të mërkurën më 24 korrik, ndërsa ajo e femrave një ditë më vonë, të enjten më 25 korrik.
Arsyeja kryesore pse kjo disiplinë fillon para hapjes është shumë e thjeshtë, pasi nëse ato nisin në datën 26, nuk do të kishte kohë që ndeshjet të përfundonin para ceremonisë së mbylljes.
Vendet që do të garojnë në këto Lojëra Olimpike në sportin e futbollit do të jenë 16 skuadra në seksionin e meshkujve, krahasuar me 12 vendet që do ta bëjnë këtë në futbollin e femrave.
Gjithashtu, duhet pasur parasysh që çdo skuadër duhet të ketë të paktën dy ditë pushim ndërmjet çdo ndeshjeje për të lehtësuar rikuperimin e anëtarëve të skuadrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
