.png)
Rei Manaj është bashkuar përsëri me Sivassporin. Sulmuesi lushnjar kaloi një sezon spektakolar në Superligën turke, teksa u shpall golashënuesi më i mirë i skuadrës (18) dhe i treti më i mirë i kampionatit pas Edin Dzekos dhe Mauro Icardit.
Ndonëse u përfol për një transferim të mundshëm drejt Serie A, deri tani duket se asgjë nuk është arritur. Për momentin lojtari do të bashkohet me Sivassporin.
Dhe vetëm nëse do të ketë një ofertë që do jetë në leverdi të të gjitha palëve atëherë do të realizohet transferimi. Por së paku, për momentin, Manaj do të bashkohet në stërvitje me skuadrën ku “rilindi”.
Vetë sulmuesi njoftoi në rrjetet sociale se do të zbarkonte mbrëmjen e së dielës në aeroportin e Sivasit. Tifozët ishin kujdesur për t’i bërë një pritje speciale, për të nderuar si duhej “yllin” e skuadrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
