Gazeta Si – Shtatë persona humbën jetën, duke përfshirë “tre fëmijë të vegjël”, në një zjarr që shkatërroi një ndërtesë në Nice, në jug të Francës.
Lajmin e ka bërë të ditur ministri i Brendshëm francez, Gerald Darmanin, duke folur për një “tragjedi të tmerrshme”.
Transmetuesi “Bfmtv” shpjegon se fëmijët e vdekur ishin 5, 7 dhe 10 vjeç. Viktimat e tjera, të gjithë nga e njëjta familje, janë një adoleshent, dy gra dhe një burrë.
🚨#BREAKING: At least seven people have been killed and four others were injured during an apartment building fire in the Les Moulins neighborhood of Nice, France on early Thursday morning, an official said.pic.twitter.com/UymHlW4Yfk
— R A W S G L 🌎 B A L (@RawsGlobal) July 18, 2024
Në vendin e ngjarjes në orët e ardhshme pritet të mbërrijë edhe kryeministri Gabriel Attal. Kryetari i Bashkisë së Nisës, Chriatian Estrosi, foli për “dhimbje të madhe” për tragjedinë.
Lidhur me rastin është hapur një hetim për vrasje me dashje. “Ne kemi imazhe që tregojnë tre individë me fytyrat e tyre të mbuluara duke hyrë në ndërtesë pak para ngjarjes”, tha zyra e Prokurorit të Nicës.
Zjarri ka rënë në katin e shtatë të një pallati në lagjen “Moulins” në periferi të Nice. Nga të plagosurit, një person është në gjendje shumë të rëndë dhe dy në gjendje kritike.
Në total, zjarrfikësit që ndërhynë gjatë natës shpëtuan 35 persona, shkruan gazeta franceze “Le Figaro”.
Bashkia e Nicës ngriti një njësi për menaxhimin e situatës në dhomën Nikaia, pranë vendit të zjarrit, për të akomoduar familjet e evakuuara nga ndërtesa ku shpërtheu zjarri. “Ata do të strehohen në vend të tjera”, siguroi nënkryetarja, Anne Ramos për rrjetin televiziv “Bfmtv”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
