Gazeta Si – Një burrë i armatosur me hark dhe shigjetë është shpallur në kërkim nga policia britanike, pasi ka vrarë mbrëmë tre femra, gruan dhe dy vajzat e një gazetari të rrjetit BBC.
Policia tha se po kërkojnë për 26 vjeçarin Kyle Clifford, si i dyshuar për vdekjet, i cili është në kryeqytet ose rajonin fqinj Hertfordshire, sipas tyre.
Policia u njoftua mbrëmë në shtëpinë e gazetarit, ku gjeti tre gratë të plagosura rëndë, të cilat vdiqën më vonë pa mundur të shpëtoheshin.
Viktimat e vrasjes së trefishtë janë identifikuar si bashkëshortja Carol Hunt dhe dy vajzat e gazetarit sportiv të BBC, John Hunt, njoftonte sot rrjeti shtetëror. Policia tha më herët se viktimat ishin me moshë 25, 28 e 61 vjeçe.
Një hark me shigjeta besohet se është përdorur për sulmin, edhe pse policia tha se mjete të tjera mund të ishin vënë në përdorim.
Ministrja e brendshme Yvette Cooper tha se është mbajtur e informuar nga zyrtarët për ngjarjen e rëndë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
