Nga Gazeta 'Si'-Kryeministri hungarez Viktor Orban mbërriti në Kiev të martën për bisedime me presidentin e Ukrainës Volodymyr Zelenskiy për të diskutuar çështjet aktuale të marrëdhënieve hungarezo-ukrainaze. Kjo u bë e ditur nga shefi i shtypit i Orban.
Vizita e Orban, një kritik i hapur i ndihmës ushtarake perëndimore për Ukrainën, vjen një ditë pasi Hungaria mori presidencën e radhës të Këshillit të Bashkimit Evropian.
"Tema më e rëndësishme e bisedimeve është shansi për të krijuar paqe," tha shefi i shtypit i Orban, Bertalan Havasi për Reuters, duke shtuar se të dy liderët do të diskutojnë gjithashtu marrëdhëniet dypalëshe hungarezo-ukrainase.
Orban, aleati më i ngushtë i presidentit rus Vladimir Putin në mesin e liderëve të BE-së, ka kundërshtuar shpesh iniciativat e BE-së për të mbështetur Ukrainën në mbrojtjen e saj kundër agresionit të Moskës që nga pushtimi i shkurtit 2022.
Vitin e kaluar, Orban i tha Putinit se Hungaria nuk kishte dashur kurrë të kundërshtonte Rusinë. Në fillim të vitit 2024, liderëve të BE-së iu deshën javë të tëra për të thyer veton e kryeministrit hungarez për të dhënë 50 miliardë euro ndihmë të re për Ukrainën.
Një nga burimet e gazetës britanike "Guardian" nga Budapesti tha se planet e udhëtimit të Orbanit u finalizuan pas negociatave të gjata mbi çështjen e të drejtave për pakicën ukrainase hungareze-folëse, e cila jeton në perëndim të largët, afër kufirit midis dy vendeve.
"Parakushti për takimin ishte që çështja e të drejtave të kombësisë të zgjidhej. Një marrëveshje u arrit në javët e fundit. Ata do të mund ta shpallin atë si një sukses" shpjegoi burimi hungarez për Guardian.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.