Gazeta Si – Një grua, kryetare bashkie e Cotija-s, një qytet në Meksikën perëndimore, u vra vetëm 24 orë pas zgjedhjes së presidentes së parë femër, Claudia Sheinbaum.
Lajmin e kanë bërë të ditur autoritetet lokale, të cilat raportojnë se Yolanda Sánchez Figueroa, e cila u rrëmbye në vitin 2023 në komunën e Zapopan dhe u lirua disa ditë më vonë.
Kryebashkiakja u rrëmbye shtatorin e kaluar, ndërsa ajo ishte duke bërë pazar në një qendër tregtare, ku makina e saj u bllokua nga njerëz të armatosur.
Tre ditë më vonë ajo u lirua dhe u gjet në një autobus pasagjerësh, pranë komunës së Vistahermosa. Figueroa dyshohet se u qëllua për vdekje, ndërsa ishte pranë sheshit kryesor të qytetit që ajo administron.
“Për të identifikuar ata që janë përgjegjës për ngjarjen, ka filluar një operacion sigurie i koordinuar me agjencitë federale”, – thuhet në profilin X të qeverisë së shtetit Casabella Michoacàn.
Disa orë më parë, Meksika kishte zgjedhur presidenten e parë grua në krye të shtetit. Claudia Sheinbaum ka arritur një fitore historike dërrmuese në zgjedhjet e së dielës, duke lënë pas ish kryebashkiakun e Nju Mesksikos, i cili fitoi 58 për qind të votave.
Sheinbaum do të zëvendësojë mentorin e saj, presidentin në largim Andrés Manuel López, më 1 tetor. Një ish-shkencëtare në fushën energjetike, ajo ka premtuar vazhdimësi, duke thënë se do të vazhdojë të ndërtojë suksesin mbi “përparimet” e bëra nga paraardhësi i saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
