.png)
Nga Gazeta ‘SI’ – Gratë janë viktimat kryesore të krimit në familje, krimit seksual dhe krimeve me indicie morale në Shqipëri.
Sipas statistikave të INSTAT, të marra nga Policia e shtetit, gjatë 2023-shit u raportuan 2.278 krime në familje, nga të cilat 64% e të dëmtuarve ishin femra. 392 ishin krime për arsye morale, ku 56% e viktimave ishin femra dhe 125 krime seksuale, 82% e të dëmtuarve ishin po femra.
Në totalin e të gjithë veprave kriminale, 36.6% e viktimave ishin të gjinisë femërore. Numri i të dëmtuarve 17.021 persona të dëmtuar, 24.7 % më shumë se në 2022-shin.
Përveç se në rastin e krimit seksual, veprat e tjera penale në vend janë shtuar nga 2022-shi në 2023-shin.
Vërehet një rritje e krimeve në grupmoshat e reja, nga 18 në 44 vjeç dhe një rënie në grupmoshat më të mëdha. Autorët në 36% të rasteve ishin të grup-moshës 30-44 vjeç, thotë INSTAT.
Gjatë vitit janë raportuar në total 33.845 krime, por janë marrë të pandehur vetëm 13.963 persona.
Në vitin 2023, numri i të burgosurve në institucionet e ekzekutimit të vendimeve penale është 5.169, 4.6% më shumë, krahasuar me vitin 2022. Meshkujt përbëjnë 98.5 % të totalit të të burgosurve
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
