Gazeta Si – Myrto Uzuni ka shënuar sot për Granadën në La Liga. Sulmuesi i Kombëtares realizoi nga pika e bardhë e penalltisë që në minutën e 9-të të ndeshjes me Alaveshin në kampionat.
Ky ishte goli i 10-të për futbollistin e Kombëtares shqiptare në kampionatin spanjoll.
Skuadra e beratasit është thuajse e rënë nga kategoria, ndërsa për Uzunin golat e shënuar janë një plus para merkatos verore. Mundësitë janë të mëdha që sulmuesi të ndërrojë skuadër, ndoshta edhe kampionat.
🇪🇸 Goal: Myrto Uzuni | Granada 1-0 Deportivo Alavéspic.twitter.com/AsiQJ1s3Up
— FootColic ⚽️ (@FootColic) April 14, 2024
Dy lojtarë të tjerë të Kombëtares, Marash Kumbulla dhe Nedim Bajrami, nuk patën fatin të ishin në fushë sot ndaj Milanit, në atë barazim rokambolesk, 3-3. Të paktën Bajrami, që po kalon një formë të mirë, pritej të merrte ndonjë minutë në këtë sfidë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
