Gazeta Si – Furtunë në Federatën Spanjolle të Futbollit. Prokuroria kërkon 2 vjet e gjysmë burg për ish-drejtuesin më të lartë të këtij institucioni.
‘Guardia Civil’ ka bërë me dije se ish-presidenti i Federatës Spanjolle të Futbollit, Luis Rubiales, është arrestuar pas kthimit të tij në Spanjë, në kuadër të hetimit për përfshirjen e tij në skandalin e Superkupës spanjolle në Arabinë Saudite.
Po sipas ‘Guardia Civil’, Rubiales është marrë në pyetje nga policia në aeroportin e Madridit, pas ndalimit sapo ai zbriti nga avioni, që e solli në vendin e tij nga Republika Domenikane.
Rubiales dha dorëheqjen nga detyra e presidentit të Federatës spanjolle në shtator, pas skandalit të puthjes së futbollistes Jeni Hermoso pa miratimin e saj gjatë ceremonisë së medaljeve dhe trofeut të Kupës së Botës në futbollin e femrave.
Ish-drejtuesi i lartë i futbollit spanjoll, që ka mohuar të ketë bërë shkelje, po përballet me një proces për dhunë seksuale ndaj sportistes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
