Gazeta Si – Edhe në ndeshjen e sotme ndaj Shefilld Junajtid sulmuesi i Kombëtares shqiptare, Armando Broja, është lënë jashtë skuadre. E njëjta gjë kishte ndodhur në javën e fundit të kampionatit në Angli dhe këtu duket se ka një problem mes klubit të Fulhemit dhe Brojës.
Që pas kalimit në janar nga Çelsi te Fulhemi, me qëllimin për të pasur më shumë minuta, Brojës i ka ndodhur e kundërta, por të paktën qëndronte në stol. Tani ai ka dalë jashtë planeve të trajnerit të Fulhemit, Silva, dhe ky është një problem i madh për vetë lojtarin dhe trajneri e Kombëtares, Silvinjo.
Të gjithë shpresonin që Broja të luante sa më shumë dhe të vinte në Europianin e Gjermanisë në formën optimale, por situata ka shkuar keq. Sinjalet ishin dhënë më parë nga trajneri Silva, kur u shpreh se Broja nuk është gati as për në stol dhe se e kishte humbur duelin me Jimenez.
Today's Fulham. 🖤🩷#SHUFUL pic.twitter.com/bpUl1AOrtd
— Fulham Football Club (@FulhamFC) March 30, 2024
Ndoshta javët në vazhdim ndryshon situata, por frika është se Broja do të vijë pa minuta me ekipin e tij edhe në miqësoret e fundit para Euro 2024.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
