Papa Françesku ka larë të enjten këmbët e 12 grave në një burg në Romë gjatë një ceremonie ku theksohej përulësia. Është hera e parë që Papa u lanë këmbët grave vetëm gjatë shërbimit të posaçëm vjetor.
Papa 87-vjeçar, i cili ka pasur probleme shëndetësore kohët e fundit, drejtoi ceremoninë në burgun Rebibbia në Romë, duke larë këmbët e secilës prej grave nga karrigia e tij me rrota.
Rituali i larjes së këmbëve zhvillohet të enjten para Pashkëve dhe synon të imitojë larjen e këmbëve të dishepujve të tij nga Jezu Krishti një natë para se të vdiste.
Që nga zgjedhja e tij si Papë, ai e ka nxjerrë këtë ceremoni jashtë territorit të Vatikanit dhe e ka festuar duke u larë këmbët të burgosurve, refugjatëve dhe invalidëve.
Gjatë viteve, Françesku ka larë këmbët e grave dhe myslimanëve. Megjithatë, Michael Walsh, një historian i kishës, dhe At Anthony Ruff, ekspert liturgjik, të dy i thanë CNN se besojnë se kjo është hera e parë që një Papë u lanë këmbët grave ekskluzivisht gjatë ceremonisë.
Nadia Fontana, drejtoresha e burgut në Romë ku ndodhi ngjarja, tha se ishte hera e parë që një Papë hynte në objektin e tyre, ku ajo tha se mbante 360 të burgosura dhe një fëmijë.
Në vitet e para të drejtimit të tij, Papa ndryshoi rregullat e kishës për të përfshirë zyrtarisht gratë në ceremoni, një lëvizje që hasi në rezistencë në Vatikan.
Paraardhësi i tij, Benedikti XVI, lau vetëm këmbët e burrave dhe më vonë kaloi në larjen e këmbëve vetëm të priftërinjve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
