.png)
Gazeta Si - Në Gjermani një autobus është përmbysur në autostradën A9 pranë Lajpcigut. Mediat gjermane raportojn se janë të paktën pesë viktima dhe dhjetra të plagosur.
Autobusi “Flixbus”, i cili po udhëtonte midis Wiedemar dhe Schkeuditzer Kreuz në drejtim të Mynihut, doli nga rruga për arsye ende të paqarta, duke u përplasur me një grup pemësh. Më pas automjeti u ngrit nga ekipet e shpëtimit. Në bord ndodheshin 53 pasagjerë dhe dy shoferë.
"Nuk dihen ende rrethanat e sakta të aksidentit. Për momentin nuk mund të japim as deklarata të besueshme për numrin e të plagosurve. Sigurisht që po punojmë ngushtë me autoritetet lokale dhe ekipet e shpëtimit në vendngjarje dhe do të bëjmë gjithçka që është e mundur. për të zbardhur shpejt dhe plotësisht shkakun e aksidentit”, njoftoi dega gjermane e Flix, pas aksidentit të rëndë me autobusin.
Në një deklaratë, Flix konfirmon se "një autobus në distanca të gjata që udhëtonte në emër të FlixBus u përfshi në një aksident në linjën nga Berlini në Cyrih".
Flix thekson se "siguria e pasagjerëve dhe shoferëve është gjithmonë prioriteti më i lartë. Mendimet tona janë me të gjithë të prekurit nga ky aksident dhe familjet e tyre. Ne do të ndajmë informacione të mëtejshme kur të bëhet e disponueshme”.
Janë të paktën 20 të lënduar dhe sipas mediave gjermane disa prej tyre janë në gjendje të rëndë. Nuk është e qartë pse autobusi, i cili po udhëtonte në një rrugë të drejtë, përfundoi jashtë rrugës.
Ekipet e shpëtimit janë ende në punë. Në vendngjarje ndodhen të paktën 5 helikopterë dhe ambulanca të shumta.
“Kushdo që mendon se ka një anëtar të familjes në bord, mund të kontaktojë në 0341 966-46666”, shkroi Policia e Saksonisë në rrjetet sociale. A9 është plotësisht i mbyllur në të dy drejtimet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
