Gazeta Si – Trajneri Mauricio Sarri vendosi të japë dorëheqjen pas humbjes me Udinezen, e katërta radhazi për Lacion mes kampionatit dhe Championsit. Klubi ka marrë kohë dhe mbetet të shihet, nëse presidenti Klaudio Lotito do ta pranojë apo jo dorëheqjen e tij.
Kjo lëvizje e trajnerit duket se lidhet me kontestimin në ‘Olimpico’ dhe vendimin e klubit për një grumbullim ndëshkues për skuadrën. Megjithatë, në Romë po flitet për zëvendësuesit e Sarrit te Lacio dhe emrat e parë janë Tomazo Roki, Mirosllav Klose, Kristian Broki, Igor Tudor dhe Anxhelo Greguçi.
Kandidat është edhe Igli Tare, i cili e ka licencën e trajnerit dhe mund të kthehet te Lacio për ta drejtuar deri në fund të sezonit.
Situata ka precipituar orët e fundit. Gjithçka ndodhi pas një nate reflektimi, para një takimi me skuadrën. Një lamtumirë e paralajmëruar, por e papritur këto kohë. Rezultatet e fundit kanë ndikuar në zgjedhjen e Sarrit, por jo vetëm ato. Prej kohësh raporti mes klubit dhe trajnerit është ftohur, me mesazhe në distancë si për merkaton, ashtu edhe për objektivat e klubit.
Lacio mban vendin e 9-të në klasifikim, 11 pikë larg vendit të 4-t. Për zyrtarizimin e largimit të trajnerit pritet vetëm përgjigja e klubit. Sarri ka ndërprerë një kontratë prej 4 milionë eurosh në sezon, të vlefshme deri në 2025-ën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
