Myrto Uzuni do të ndërrojë skuadër për sezonin e ardhshëm. Granada po shkon drejt rënies nga La Liga dhe shitja e futbollistit shqiptar shihet si një mundësi e mirë për të mbushur arkat.
Sipas shtypit spanjoll, për Uzunin ka një interesim konkret të Seviljes, një nga klubet e mëdha të Spanjës. Nëse do të realizohej kjo lëvizje, do të ishte një hap shumë i madh për lojtarin e Kombëtares, që më parë ka luajtur në Kroaci dhe në Hungari.
Këtë sezon sulmuesi beratas ka bërë një paraqitje të mirë, duke shënuar 7 gola me Granadën. Më parë për të ka pasur interesim nga klubet angleze e gjermane, por interesimi i Seviljes me siguri e josh Uzunin. Qëndrimi në një kampionat që ai e njeh mirë do të ishte pozitiv në këtë rast.
Sa i takon Kombëtares, Uzuni nuk është se ka bërë diçka të veçantë gjatë kualifikueseve të Europianit, por pa dyshim ai është një element i rëndësishëm për trajnerin Silvinjo dhe mund të shpërthejë në Gjermani 2024.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
