Gazeta Si – Liverpuli është në kërkim të pasuesit të Jurgen Klop, që do të largohet në fund të sezonit. Ksabi Alonso është emri i parë në listë, jo vetëm se spanjolli po impresionon me Bajer Leverkusenin në Gjermani, por edhe për faktin se është një ish-lojtar i Liverpulit.
Por nuk është e lehtë për ta marrë nga Leverkuseni dhe drejtuesit e klubit anglez po mendojnë edhe për alternativat e tjera. Sipas ‘Telegraph’, vendin e Klop mund ta marrë një gjerman tjetër, Julian Nagelsman, trajneri i Gjermanisë. Një profil tjetër interesant është edhe Ruben Amorim, trajneri aktual i Sporting Lisbonës.
Anglezët kanë gjithë kohën e nevojshme për të marrë vendimin e duhur dhe me kalimin e ditëve mund të dalin edhe kandidatë të tjerë.
Një tjetër klub anglez që po mendon për ndryshim trajneri është edhe Çelsi, në vështirësi të mëdha këtë sezon. Si një zëvendësues i mundshëm i Mauricio Poçetinos po lakohet emri i Roberto De Zerbit, italianit që drejton Brajtonin në Premier Ligë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
