Gazeta Si – Kilian Mbape duhet ta ketë firmosur kontratën e re, që e lidh me Real Madrid për 5 vitet e ardhshme. Në Spanjë e bëjnë të sigurt kalimin e tij nën urdhrat e trajnerit Karlo Ançeloti në verë, madje zbulohen edhe detajet e pagës.
Sipas ‘Marca’, futbollisti francez do të përfitojë më pak para se merr aktualisht te PSG (72 milionë euro). Kontrata e sulmuesit me Realin i garanton atij 20 milionë euro në sezon, që mund të shkojnë në 25 milionë euro bashkë me bonuset, por vlera rritet ndejshëm nga një ‘truk’ tjetër në kontratën e Mbapesë.
Falë shpërblimit për firmën, që do të jetë 125 milionë euro, paga e sulmuesit do të shkonte në 50 milionë euro në sezon. Dhe këtu situata ndryshon, sigurisht. Me afrimin e Kilian Mbape, Reali pritet të bëhet një nga skuadrat me sulmin më të frikshëm, duke llogaritur edhe Belingham dhe Vinicius.
Ditët e fundit është folur edhe për një tentativë të Mançester Sitit për Mbape, por sulmuesi duket i destinuar të shkojë në Madrid, në klubin që e pret prej disa sezonesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
