Gazeta Si – Flamurtari po vuan për t’u kthyer në elitën e futbollit shqiptar, në Superiore, por në minifutboll po bën mirë. Vlonjatët kanë fituar Kupën e Shqipërisë në minifutboll (Futsall), pas fitores 9-7 në finale ndaj Partizanit.
Ndeshja finale u luajt në kompleksin ‘Goga’, në Durrës, në praninë e një numri të konsiderueshëm tifozësh. Gjithçka ishte e hapur sa i takon rezultatit dhe u vendos në minutat e fundit.
Partizani në fakt i kishte të gjitha mundësitë për të fituar trofeun, pasi udhëhiqte deri në 5-1, por Flamurtari përmbysi gjithçka dhe në fund triumfoi 9-7. Festa ishte për vlonjatët, të cilët i janë gëzuar trofeut të parë sezonal dhe medaljeve përkatëse.
Zhgënjim në krahun tjetër, te Partizani, për më tepër duke pasur parasysh si shkoi loja në finale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
