Gazeta Si – Pas Mançester Sitit dhe Real Madridit, dy skuadra të tjera big luajnë sot në mbrëmje aktin e parë të 1/8-ve në Champions. Lacio pret Bajernin e Mynihut, kurse PSG ndeshet me Real Sociedad.
Natyrisht, më shumë vëmendje merr sfida që do të luhet në ‘Olimpico’ mes Lacios së Elseid Hysajt dhe Bajernit. Gjermanët, një nga klubet e suksesshëm të Championsit, vijnë pas humbjes 3-0 në kampionat dhe me një sërë mungesash, ku veçohen Koman, Gnabri dhe Devis.
Hysaj, mbrojtësi i Kombëtares shqiptare, ishte titullar në kampionat me Lacion dhe sot gjithashtu pritet ta nisë nga minuta e parëi. Trajneri Sarri u shpreh para ndeshjes se bavarezët përballohen vetëm duke menduar se nuk janë të pathyeshëm. Lacio vjen në këtë përballje me një grup të plotë.
PSG në ndeshjen tjetër konsiderohet favorite, edhe pse Real Sociedad ka bërë një paraqitje shumë të mirë në fazën e grupeve. Mbape me shokë nuk do ta kenë aq të lehtë, megjithatë mbeten favoritë absolutë për fitore në ndeshjen e sotme dhe për kalimin në çerekfinale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
