.png)
Nga Gazeta ‘Si’-Hakerat që sulmuan faqen e Institutit të Statistikave(INSTAT) kanë fshirë informacione në 6 kompjutera.
Në total, ata rezulton të kenë infektuar 40 kompjutera përmes teknikës “Wiper”.
Autoriteti Kombëtar i Sigurisë Kibernetike dhe Certifikimit Elektronik(AKCESK) raporton se pas sulmeve të 1 shkurtit ndaj INSTAT janë hakerat e “Homeland Justice”, të sponsorizuar nga Irani.
Autoriteti thekson se pavarësisht sistemeve mbrojtëse, aktorët keqdashës arritën të tejkalonin privilegjet dhe të merrnin kontrollin e sistemit Active Directory dhe “Data Protection Manager”, duke shpërndarë virusin tek pajisjet dhe serverat në rrjet.
“INSTAT siguron publikun se të dhënat e Censit 2023 nuk janë objekt i këtij sulmi. Ekipi teknik i INSTAT menjëherë aktivizoi protokollet e emergjencës për të mbrojtur të dhënat dhe parandaluar dëmtime të mëtejshme,” njoftoi INSTAT.
Ndryshe nga njoftimi, Homeland Justice publikoi në grupin e vet në Telegram disa fjali ku pretendohej se ata kishin akses të plotë mbi të dhënat e Censusit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
