Gazeta Si – Nga sot Enis Çokaj është futbollist i Osijekut në Kroaci. Lojtari i grumbulluar vazhdimisht në Kombëtaren shqiptare ka bërë sot edhe prezantimin me klubin e ri, ku trajner është Zoran Zekiç, që për disa muaj këtë sezon drejtoi Partizanin.
Mesfushori 24-vjeçar e njeh mjaft mirë kampionatin kroat, pasi më parë ka luajtur për Lokomotivën e Zagrebit, si shumë futbollistë shqiptarë. Në 2022-shin Çokaj kaloi te Panathinajkosi.
Tani klubi grek ka pranuar ta huazojë tek Osijeku deri në fund të këtij sezoni, me mundësinë e blerjes së kartonit të mesfushorit nga kroatët.
Zekiç e kërkoi lojtarin shqiptar në skuadër dhe tashmë dëshira e tij është plotësuar. Mesfushori do të ketë mundësinë e një aktivizimi më të rregullt, që mund ta mbajë atë në fokusin e stafit kuqezi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
